منتدى النهضة بود الابيض
انت غير مسجل بمنتديات النهضة بود الابيض ارجو التسجل


اقابلك

اذهب الى الأسفل

اقابلك

مُساهمة من طرف علاء ابراهيم في الأربعاء يونيو 01, 2011 10:34 am

أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال


avatar
علاء ابراهيم
مشرف منتدي الارشيف
مشرف منتدي الارشيف

عدد المساهمات : 16
تاريخ التسجيل : 22/05/2011
العمر : 30

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى